എന്റെ ക്രിസ്തുമസ് ഓർമ്മകൾ

 എല്ലാ കുഞ്ഞുങ്ങൾക്കും ഇഷ്ടമുള്ള ഒരു കാലമാണ് ക്രിസ്മസ് കാലം... കുട്ടികളെ പോലെ എനിക്കും ഒരുപാടിഷ്ടം

🥰 പണ്ടേ മനസ്സിൽ സ്ഥാനം പിടിച്ച വ്യക്തിയാണ് സാന്റാ അപ്പൂപ്പൻ🤩. ജിംഗിൽ ബെൽ പാട്ടും, അലങ്കരിച്ച ക്രിസ്മസ് റ്റ്രീയും, സമ്മാനപൊതികളുമായി രാത്രി ചിമ്മിനിയിലൂടെ ഊഴ്ന്നിറങ്ങുന്ന സാന്റാ അപ്പൂപ്പനും - എന്ത് രസമാണ് ഓർക്കുമ്പോൾ തന്നെ...
പണ്ട് കുട്ടിക്കാലത്തു മണ്ഡല കാലത്തെ വ്രതം ഞങ്ങൾ അവസാനിപ്പിക്കുന്നത് ക്രിസ്മസ് ആഘോഷിച്ചാണ്...അന്ന് ഡാഡി ഞങ്ങൾക്ക് ബ്ലാക്ക് ഫോറെസ്റ്റ് കേക്ക് വാങ്ങി തരും... ഓർമ്മയിലുള്ള കേക്ക് ഷോപ്പ് ഷാർജയിലെ ഗോൾഡൻ ലോഫ് ബേക്കറി ആണ്... അങ്ങനെ ഡിസംബർ 24 നു അർദ്ധരാത്രി ഡാഡിയും അമ്മയും ഞാനും എന്റെ അനിയനും കൂടി കേക്ക് മുറിച്ചു ഉണ്ണിയേശുവിന്റെ ബർത്തഡേ ആഘോഷിക്കും...
ക്രിസ്മസിന് ഉച്ചയ്ക്ക് ഡാഡിയുടെ സ്പെഷ്യൽ ബിരിയാണിയാണ്..പറയാൻ വിട്ടു പോയി... ഡിസംബർ ആദ്യത്തെ ആഴ്ച തന്നെ ഞങ്ങൾ വീട്ടിൽ ക്രിസ്മസ് ട്രീ അലങ്കരിച്ചിരുന്നു ട്ടോ... അങ്ങനെ വര്ണാഭമായിരിന്നു കുട്ടികാലത്തെ ക്രിസ്മസ്... പിന്നെ പ്രിയപ്പെട്ട കൂട്ടുകാർക്ക് ക്രിസ്മസ് കാർഡുകൾ നൽകുക, നാട്ടിലെ എല്ലാ ബന്ധുക്കൾക്കും കാർഡ് അയക്കുക... ഇതൊക്കെ അന്ന് മുടങ്ങാതെ ചെയ്തിരുന്ന കാര്യങ്ങളായിരുന്നു... സ്കൂൾ കാലമൊക്കെ കഴിഞ്ഞ് കോളേജ് കാലമായപ്പോൾ അവിടെ ക്രിസ്മസ് ഫ്രണ്ട്സും, ഹോസ്റ്റലിൽ ഒരുക്കിയിരുന്ന പുൽകൂടും, പുൽക്കൂടിലെ ഉണ്ണിയീശോയും, കോളേജിലെ ചാപെലിൽ നിന്നു കുർബാനക്ക് കേൾക്കുന്ന കരോൾ ഗാനങ്ങളും, അപ്പവും സ്റ്റുവും ഒക്കെ നിറഞ്ഞ ക്രിസ്മസ് കാലം കടന്നു വന്നു .... 🥰
ലോകത്ത് ഏറ്റവും കൂടുതൽ തിളങ്ങുന്ന നക്ഷത്രങ്ങൾ കാണുന്ന നാട് നമ്മുടെ തൃശൂർ ആണെന്ന് തോന്നി പോകും.....
ക്രിസ്മസ് കാലമാവുമ്പോൾ ഏറ്റവും കൂടുതൽ കോളേജ് കൂട്ടുകാർ പോകുന്ന സ്ഥലം തൃശ്ശൂരിലെ ആർച്ചിസ് ഗാലറി ആണ്... കോളേജ് കാലത്ത് ഒരുപാട് പൈസ ചിലവാക്കിയിട്ടുള്ളതും ആർച്ചിസ് ഗാലറിയിൽ നിന്നു മനോഹരമായ കാർഡുകൾ വാങ്ങി പ്രിയ കൂട്ടുകാർക്ക് നൽകാനാണ്...
ക്രിസ്മസ് അവധിക്കു വീട്ടിൽ എത്തിയാൽ രാത്രിയിൽ കരോൾ പാടി വരുന്നതും നോക്കിയിരിക്കും...അതൊക്കെ ഒരു കാലം...
അവിടെന്നു പിന്നെ വിവാഹജീവിതത്തിലേക്കു കടന്നപ്പോഴും എല്ലാ വർഷവും ക്രിസ്മസ് ട്രീ ഒരുക്കാൻ ഞാൻ ഉത്‍സാഹിച്ചു കൊണ്ടേയിരുന്നു... അമ്മയായപ്പോൾ പിന്നെ മക്കൾക്ക്‌ സമ്മാനവുമായി വരുന്ന സാന്റാ അപ്പൂപ്പനായി മാറി കുറെ വർഷം...മക്കളുടെ കൊച്ചു കൊച്ചു ആഗ്രഹങ്ങൾ സാധിപ്പിച്ചു കൊടുക്കുന്ന സാന്റാ അപ്പൂപ്പൻ... കാർട്ടൂണിന്റെ മായാലോകത്തു നിന്നുള്ള അവരുടെ ആഗ്രഹങ്ങൾ ചിലപ്പോൾ സാധിപ്പിക്കാൻ കഴിയാതെ വന്നു തുടങ്ങി... എന്ത് ചോദിച്ചാലും സാധിപ്പിച്ചു തരുന്ന മാജിക്‌ മോതിരം തുടങ്ങിയ ആഗ്രഹങ്ങൾ വന്നു തുടങ്ങിയപ്പോൾ പിന്നെ സമ്മാനം സാന്റാ തന്നെ തീരുമാനിക്കണമെന്ന അവസ്ഥ തുടങ്ങി 😄 പതിയെ പതിയെ അവരുടെ സാന്റാ അപ്പൂപ്പൻ അവരുടെ 'അമ്മ' തന്നെയാണെന്ന വലിയ സത്യം അവർക്കു കൂട്ടുകാർ പറഞ്ഞു കൊടുത്തു...
ഏറ്റവും മനോഹരമായ മാസം ഡിസംബർ തന്നെയാണ്! നമ്മളിലെ കുട്ടിയെ സന്തോഷിപ്പിക്കുന്നതാകട്ടെ ഈ ക്രിസ്മസ് കാലം... 🥰നമ്മളിലെ കുട്ടിയെ ഉണർത്തുന്ന മാസം ♥️ Wishing all a Merry Christmas 😍 സന്തോഷവും നന്മയും നിറഞ്ഞതാകട്ടെ നമുക്കെല്ലാവർക്കും ഈ ക്രിസ്മസ്...

Comments

Post a Comment

Popular posts from this blog

ഗുരുവായൂരപ്പാ... രഹസ്യം...

Image
ഒരുപാട് നാളുകളായി എന്തെങ്കിലും കുറിച്ചിട്ട്...കുറച്ചു ദിവസമായി ഒരു testimony - സാക്ഷ്യം എഴുതണമെന്ന് മനസ്സ് പറഞ്ഞു കൊണ്ടേയിരിക്കുന്നു.. അല്ലെങ്കിലും എന്തെങ്കിലും കാരണവശാൽ മനസ്സ് കലുഷിതമാവുമ്പോൾ എന്നുമെന്റെ കൂടെയുണ്ടെന്നു ഞാൻ ഉറച്ചു വിശ്വസിക്കുന്ന ആ ശക്തി ഞാനില്ലേ കൂടെ... പിന്നെന്തിന്? എന്ന് പുഞ്ചിരിയോടെ മനസ്സിൽ മന്ത്രിക്കാറുണ്ട്.. അത് പല പ്രവർത്തികളിലൂടെ ആവും അല്ലെങ്കിൽ വ്യക്തികളിലൂടെയാവും... എന്തായാലും അത് തന്നെ സംഭവിക്കും😃 ഇത്തവണയും പലവിധ കർമപ്രഹരങ്ങളാൽ തളരുന്നുന്നു തോന്നിയ സമയം ആയിരുന്നു ഒരാഴ്ച മുൻപ്... എന്ത് ചെയ്യണമെന്ന് അറിയാതെ പതറിപോകുന്ന ചില നിമിഷങ്ങൾ..ഒരുഭാഗത്തു ഡാഡിയുടെ റേഡിയേഷൻ തയ്യാറെടുപ്പുകൾ, അങ്ങനെയിരിക്കെ ഏട്ടന്റെ കണ്ണിനു സർജറി വേണമെന്ന് ഡോക്ടർ പറഞ്ഞത്... അതിനു മുൻപേ തന്നെ പറഞ്ഞു കൊള്ളട്ടെ കുറച്ചു നാളുകളായി നന്ദഗോവിന്ദം ഭജൻസ് എന്ന ഭജനസംഘത്തിന്റെ വലിയ ആരാധികയാണ് ഞാൻ... എന്റെ  ദിവസങ്ങൾ മറ്റു പലരേയും പോലെ നന്ദഗോവിന്ദം ഭജനകളായി ഇന്ന് ബന്ധപ്പെട്ടിരിക്കുന്നു - മനസ്സിന് ഒരു പാട് സമാധാനം ആ ഭജനകളിലൂടെ എനിക്ക് ലഭിക്കാറുണ്ട്...സമിതിയുടെ അയ്യപ്പ പൂജക്ക്‌ കൊറേ വർഷമായി ...
Read more

അയ്യപ്പചിന്തുകൾ

Image
വൃതാനുഷ്ടാനത്തിന്റെയും സഹനത്തിന്റെയും ശരണം വിളികളുടെയും 41 പുണ്യ നാളുകൾ ഇന്ന് തുടങ്ങുന്നു. എല്ലാവര്ക്കും ഭക്തി നിര്ഭരമായ ഒരു മണ്ഡല കാലം നേരുന്നു. അയ്യപ്പന്റെ കാതിൽ ഒരു മന്ത്രം പോലെ 'ഹരിവരാസനം' പാടി ഉറക്കത്തിലേക്കു നയിക്കുന്ന ചിലരുണ്ട് സന്നിധാനത്ത്. ക്ഷേത്രത്തിലെ ശാന്തിക്കാരും സോപാനത്തുള്ളവരുമാണ് അയ്യപ്പനായി നിത്യവും ഹരിവരാസനം പാടുന്നത്.  അനവധി വർഷങ്ങളുടെ പഴക്കമുള്ള ഒരു ആചാരം. ശ്രീകോവിലിനുള്ളിലെ ഓരോ വിളക്കും അണച്ച് നട അടക്കുകയാണു പതിവ്. ഈ സമയത്താണ് ഹരിവരാസനം ആലപിക്കുക. ഈ ഹരിവരാസനം കേട്ടത്രേ ഭഗവാന്‍ ഉറങ്ങുന്നത്. യേശുദാസിന്റെ ഹരിവരാസനത്തിനു എത്രയോ കാലങ്ങൾക്കു മുൻപു തന്നെ ഈ രീതിയുണ്ടായിരുന്നു. ഇപ്പോഴും മുറതെറ്റാതെ ഈ ആചാരം തുടർന്നു വരുന്നു. രാമായണത്തിൽ ശ്രീരാമനെ കണ്ടു നിർവൃതിയണിഞ്ഞ ശബരി  തന്റെ ജീവിതലക്ഷ്യം സഫലമായതിന്റെ ധന്യതയിൽ യാഗാഗ്നിയിൽ ശരീരം ഉപേക്ഷിച്ചു. ശബരിയെ അനുഗ്രഹിച്ച ഭഗവാൻ, ഇനി സ്ഥലം അവരുടെ പേരിൽ പ്രസിദ്ധമാകും എന്ന് പറഞ്ഞുവെന്നാണ് ഐതിഹ്യം.  ഇതാണ് 'ശബരിമല' എന്ന പേര് വരാൻ കാരണമായി പറയുന്ന കഥ. ശബരി ശരീരമുപേക്ഷിച്ച സ്ഥലത്താണ് ഇന്ന് ഭസ്മക്കുളം സ്ഥിതിചെയ്യുന്നത...
Read more

ഈശ്വരനെ കണ്ട നിമിഷങ്ങൾ

ഈശ്വരനെ നിങ്ങൾ കണ്ടിട്ടുണ്ടോ എന്ന ചോദ്യത്തിനുള്ള ഉത്തരം ഒരാൾ പറയുന്നത് യൂട്യൂബ് ഇൽ കണ്ടപ്പോ വെറുതെ ഇരുന്നു ആലോചിച്ചു നോക്കി.... ഞാൻ കണ്ടിട്ടുണ്ടോ?പറയാനാണെൽ ഏറെയുണ്ട്... ചെറിയ മോളുടെ ജനനത്തിലൂടെ ഒരു പാട് തവണ ഗുരുവായൂരപ്പനെ കാണാൻ കഴിഞ്ഞിട്ടുണ്ട്... രണ്ടു മാസം മാത്രം പ്രായമായ കുഞ്ഞിന് തരിപ്പ് കയറി ശ്വാസം നിലച്ച അവസ്ഥ വന്നപ്പോൾ അന്ന് ഡോക്ടർ അങ്കിളിന്റെ കൈകളിൽ ഞാൻ ഗുരുവായൂരപ്പനെ കണ്ടു... ബിജുവിന്റെ റിസപ്ഷൻ സമയത്തു മുംബയിലെ കോരിച്ചൊരിയുന്ന മഴയ്ക്കിടയിൽ ഡാഡിയുടെ കാൽ വഴുക്കി പടികളിൽ നിന്ന് താഴേക്കു ഡാഡി ഉരുണ്ടു വീണപ്പോൾ കയ്യിലിരുന്ന കുഞ്ഞു വാവയായ കിച്ചുവിനെ ഒരു പടിയിൽ ഇരുത്താൻ ഡാഡിക്കു കഴിഞ്ഞെങ്കിൽ അത് ഗുരുവയുരപ്പനവിടെ ഉള്ളത് കൊണ്ട് മാത്രം എന്ന് ഞാൻ വിശ്വസിക്കുന്നു... നീന്തൽ അറിയാത്ത കുഞ്ഞ് ആരും  കാണാതെ സ്വിമ്മിംഗ് പൂളിലേക്ക് ഇറങ്ങിയപ്പോൾ, പെട്ടെന്ന് അത് കണ്ടു വെള്ളത്തിലേക്കു എടുത്തു ചാടിയ എന്റെ അനിയനിലും ഗുരുവായൂരപ്പനെ ഞാൻ കണ്ടു.  ഡോക്ടർമാർ ഡാഡിയുടെ വിധിയെഴുതിയപ്പോൾ തളർന്നു പോകാതെ എന്റെ മനസ്സിനെ നിയന്ത്രിച്ച ആ ശക്തിയുണ്ടല്ലോ, ആ ശക്തി തന്ന ഉറപ്പാണ് ഡോക്ടർമാർ എഴുതിയ ഡാഡിയുടെ  വിധി...
Read more